Disappointments

Isa na yata ako sa mga taong puno ng disappointments sa buhay. Di nababawasan, lalo lang nadadagdagan. Ano bang meron ang isang katulad ko at pilit binibigyan ng sandamukal na disappointment sa buhay. Isa lang ba itong test? Nicha-challenge ang patience ko? Sinusubukan kung paano ako maghandle ng disappointment? O nasa kapalaran ko ang mapabilang sa pinakamaraming disappointment sa buhay.. O ako lang mismo ang gumagawa ng mga ikaka-disappoint ko? Kalungkot naman..

Family. Disappointed ako na hindi maibigay lahat ng pangangailangan ng pamilya ko. Disappointed ako na mas madaming pagkakataon ang sinasayang ko na dapat kasama ko sila. Nakakainis isipin na mas inuuna ko ang sarili kong pangangailangan kesa sa kanila.

Work. Disappointed akong di ko nagagampanan masyado ang posisyon ko at winawalang bahala ko lang. Disappointed ako sa mga patakaran na kung minsan di makatarungan at di sang ayon sa kagustuhan ng mga empleyado. Disappointed ako sa mga empleyadong grabe maka-demand sa employer na di naman nagkulang. Disappointed ako na hanggang nagun ito pa lang ang nararating ko at nakaka-disappoint isipin na madaming kakumpetensya.

Friends. Disappointed ako sa mga kaibigang nandyan lang pag may kailangan at di ka na kilala pag ikaw naman ang nangailangan. Disappointed ako sa kaibigang nalilihis ng daan at pinipilit na ituwid ang kanilang pagkakamali. Masahol pa, mas pipiliin pa ang baluktot na daan at iiwan ka na lang sa kawalan. Mas disappointed ako sa mga kaibigang itinuring ko ng parang kapatid at pinagkalooban ko ng tiwala pero sa huli'y wawasakin din pala. Kaibigang mas binibigyang halaga ang sarili at ibang tao, na di binibigyang konsiderasyon kung ano ang napagsaluhan niyo bilang magkaibigan laban sa kakarampot na kaginhawan na madarama nya sa piling ng mga bagong tuklas na kaibigan.

Lovelife. Disappointed akong di magampanan ang tungkulin ko hindi lang bilang girlfriend kundi ang maging kaibigan at kapatid para sa kanya. Disappointed akong di ko sya nagabayan ng husto at naimulat ang mata sa katotohanan at realidad ng buhay. Disappointed ako na sa tinagal-tagal ng aming pagsasama ay parang bulang nawala lang sa kawalan. Nakakadisappoint malaman na ang taong halos sinamba at inaruga mo ay ang syang taong maghahatid ng sobrang kalungkutan sa buhay mo, na pakiwari mo ay wala ka nang aasahan pa at walang kinabukasang naghihintay. Nakakainis maisip na bakit pa kayo nagmahalan kung mauuwi din naman sa hiwalayan. Ang misteryo talaga ng pag-ibig, lahat nabibighani.

Sarili. Disappointed akong di maibigay sa mga kinauukulan ang panahon at oras ko na mas pinili ko pang ilaan sa mga bagay na wala naman akong kahihinatnan. Disappointed ako sa kung anumang ugali meron ako, na pilit sinisira ang relasyon ko mga taong nakakasalamuha ko, pilit isinisiksik na kaya kong mag-isa at lumaban kahit di patas, pilit nagpapakatatag kahit laam kong sobrang hina ng aking kakayahan, pilit nagpapakasaya sa likod ng kalungkutan, pilit inaabot ang mga bagay na di naman dapat.

Ilan lang ito sa mga disappointments sa buhay ko. Sana kung anuman o sinuman ang nagdudulot nito, hiling ko lang malagpasan ko. Sana magawa kong ituwid ang mga disappointments na ito. Naisip ko lahat siguro ito magiging posible kung magiging bukas ako sa sarili ko, na di lahat ng bagay kaya kong ibigya, di lahat ng tao kaya kong arugain at pasayahin, di lahat ng pagkakataon ay nasa tama akong disposisyon at di lahat ng gusto ko ay makakamit ko.