Puerto Galera

My first time, and probably, the last..?!?! Let's hope not.. :)


It's an experience I surely won't forget for the rest of my life. It's summer 2011, month of April, anong klaseng weather ang ie-expect ko but sunny.. Little did we know na may paparating pala na bagyo. At sureball na dadaan sa Galera. Scary? Yes..


Pero kahit na bumagyo, the day before, we had the chance naman to enjoy the sand, sun and sea.. Activities like beach volleyball, banana boat ride, henna tattoo at syempre, more na more na pictures. Di rin pinalampas ang pagtikim sa famous na Mindoro sling. 


Ang sakit pala maglakad sa buhanginan, may tsinelas man o wala. Para sa isang gala na tulad ko na di pinalampas lakarin ang buong baybayin ng Galera sa paghahanap ng magandang location para sa photoshoot namin ng friend ko, isang malaking dusa ito! Maganda ang tanawin, malamig ang hangin sa balat kahit ang tindi ng sikat ng araw, ang sarap lumusong sa dagat (ngunit sa kasawiang palad, di naman ako marunong lumangoy, hanggang lubog lang.. ) Ang dami ding tourist spot (tourist spot: cutiebells) pero mostly, beki naman. Hmp! 


Never had a dull moment kasi ang daming kainan, shops at sa gabi, may mga entertainers pa. Manood, kumain, mamili at uminom. Kulang ang oras. So nasa ganung tagpo kami ng bigla na lang umambon, hanggang napalakas ang ambon at naging ulan. Di pa kami tapos uminom pero pinilit naming ubusin ang Mindoro sling (sayang!) At habang lumalakas ang ulan, siksikan kaming nakisilong sa isang tent at nakiparty kami sa mga ibang nakasilong dun. Adik lang. Since wala nang pag-asang mahintay na titigil ang ulan (at wala namang may dalang payong sa amin), nagpakabasa na lang kami habang binabaybay ang papuntang bahay..


The next day, ganun pa din ang scenario: umuulan. At biglang nag-announce na hanggang 9am na lang ang last trip. Whatta.. Bihis agad (malas yung mga di nakaligo dahil kakagising lang), impake (bahala na maghalo ang basa at tuyong damit), at mabilisang pagkain ng pancit canton. Useless ang payong dahil liliparin lang sya sa lakas ng hangin kaya swerte ng mga di nakaligo, dahil nakaligo naman sila sa ulan.. :p


Daig ko pa ang susuray-suray na lasing habang inaakyat ang bangka. At habang binabagtas nag karagatan, sige ako sa pagdasal ng rosaryo. At natapos ko ang Glorious mystery. :p Safe naman kami nakarating sa pier. 


Dahil sa bagyong Bebeng, di tuloy ako nakabili ng mga pasalubong. Lalo na ang ref magnet (isa akong kolektor) Ang bus na sinakyan namin parang evacuation center, ginawang sampayan ang upuan ng mga twalya at mga basang damit. 


Kahit na naistorbo ang maganda naming bakasyon sa Galera, malamang na uulit pa ako. Pero dapat wala munang bagyo.