Casa Verde and the famous Brian's Ribs

Naglipana ang Jollibee at McDo sa kalye ng Cebu at aaminin ko kumain kami sa Jollibee sa pagbabakasakaling baka iba ang lasa ng Jollibee Cebu sa Jollibee Manila.. o kaya baka may Value Meal na Lechon Cebu.. pero ang totoo para lang makatipid.. pak!


Makalipas ang ilang oras na paglilibot, pagbili ng mga pasalubong at pagtatanong sa mga Cebuanong di naman namin maintindihan, napagdesisyunan namin kumain na ng hapunan. 


Ang suhestyon ng kaibigan ko: CASA VERDE


Eh ano bang meron dun? BABY BACK RIBS


At sinigurado talaga nyang masasarapan kami, kagaya ng pagsiguro sa kanya ng mga friends nyang dumayo na din sa Cebu. So, taxi kami papunta dun (di kami pwede mag-jeep, mahirap mag-commute sa Cebu at wala sa amin ang marunong mag-bisaya). Mejo tago ang kainan na ito at may pagka-sosyalin ang dating pero maraming kumakain. Akala ko hindi kami papapasukin dahil sa mga suot namin, pero napansin nila mukha kaming sosyalin kaya pinapasok na din.. ahaha!

waiting area

mapa ng Cebu

Ito ang kanilang specialty: BRIAN'S RIBS. Isang napalaking slab ng ribs na may rice at corn & carrots as sidings. Akala ko ribs lang ng kung sinong Brian yun.. ahaha.. Siguro specialty ni Brian 'to kaya yun ang pangalan nya. 

Brian's Ribs

The best ang ribs na 'to. Pwede ngang for sharing. Kung ico-compare sa ibang ribs, wala silang sinabi! Ang laki ng slab at napakasarap pero mura.. 188 pesos lang! Kulang ang isang rice. Sa sobrang laki, gusto na naming i-take out pero pinilit pa rin naming ubusin. Sarap!